Tidukkla Tiɣri: amecwar s wazal-is d ubrid aɣezfan ɣer sdat

Ḥeḍru-d ad tesεu tdukkla Tiɣri i yimeεdar d yimuḍan idumen n Ayt Smaɛel setta n yiseggasen segmi i d-tuwi ttesriḥ-is unsib. D ayen yessefraḥen wayen tga seg yimir-nni ar ass-a. Aḥulfu n waɣan immuggen yella ɣur yakk iεeggalen-is i yesεeddan ddeqs n yiεewwiqen tazwara akken ad qedcen i lfayda n uḥric-a n tmetti ukkud ur d-yelhi udabu n Lezzayer.

Deg unnar, ayendin d tigawin i tga tdukkla-a, i umecṭuḥ d umɣar. Ama d ahilen n uselmed deg tneɣrit tuzzigt i warrac at wasrayen uzzgen, neɣ d tidwilin n udawi n yimɣaren deg uxxam. Daɣen, deg wayen yerzan afraq n ttawilat i yimeεdar, ddeqs i tzuzzer tdukkla Tiɣri ama daxel tɣiwant neɣ berra-is.

Meḥsub, ɣas tqeddec ugar s wudem adigan, wanag ur d-tga tilisa ɣef wayen icudden i telsawit d temεiwna. Imuḍan n ssker daɣen, ufan ɣer tekrent-nsen tidukkla Tiɣri i asen-d-ixeddmen yal aseggas kra n ttawilat, ama i usεeddi ɣef tezmert-nsen neɣ i tifin n insulin.

Ugar n waya, yal aseggas tettheyyi-d tigawt n ugmar n yidammen akked sbiṭar n Xerraṭa, war ma nmeslay ɣef tallelt i tefka i yiẓawaliyen d yigujilen, abeεda s yifarisen n tgella d yiselsa.

Aṭas n tigawin nniḍen i tga tdukkla Tiɣri deg unnar, mazal ad ternu ad teg tiyeḍ ɣer sdat.