Takfarinas yeldi tabezzart i ugmar n tedrimt i yiklipen-is

Deg yiwet n tsuffeɣt i d-yesres ass n 10 meɣres 2021 deg usebter-is unsib n Facebook, iberreḥ-d ucennay Takfarinas s ulday n tbezzart tazayezt i ujmaε n yidrimen. Ɣef wakken i d-yenna,, iger di ccɣel-a akken ad d-yegmer ayen ilaqen d tadrimt i yiklipen-is imaynuten i d-itteddun.

Deg wawal-is, yessegza-d belli kra n win i d-yefkan kra n tedrimt, yezmer ad yefren ad yawi baṭṭel apuster-is, aḍebsi-s n ccna yettwabudd, takaskiṭ YAL neɣ d ayen nniḑen.

Am wakken isawel-d i wid yebɣan kan ad walin adellel ara as-d-yawin ciṭṭuḥ n tedrimt i usenfar-is.

Yuwi-d ad d-nmeslay ɣef wamek i d-ɣlin kra n medden fell-as deg yiwenniten, imi ddeqs i iwalan s tiṭ n diri ayen akka yexdem Takfarinas. D ayen i yeǧǧan dɣa anaẓur-a ad d-yessedmer s tririt i kra n yimdanen. Imeslay-d ladɣa dakken seg zik netta yettεawan medden, yerna yeskaddeb wid i d-yennan yesεa imelyaren.

D acu, llan wid ifehmen addad-is, ɛeddan wahhan-as afus. Dɣa, i wid yenwan dɣa ad kkin deg tbezzart-a, zemren ad siten deg tansa-a.