(Tavidyut). Ameksa n tɣeṭṭen: d ajdid n Ɛmiruc Amwanes

Seld aberreḥ-ines fell-as ussan yezrin, yessuffeɣ-d umedyaz, anaẓur, Ɛmiruc Amwanes di targa-ines n Youtube, asefru-ines amaynut s wudem n uklip. Aneggaru-a yefka-as azwel “Ameksa n tɣeṭṭen”.

I yisalli, leqdic-a yella-d s ufus n tallelt n umaṭṭaf Ǧurǧura. Ma yella d asuffeɣ-is, yella-d sɣur Mass Lεerbi Muhub.

Deg uklip-a, d taqsidt n tmagit-nneɣ i d-yesqerdec s waṭaṣ n tegzi. Dɣa, yebda-it s tewlaft anda i d-yura,” win ur inuda ɣef ayla-s, ad d-yas wass ad as-t-kksen “.

D izen i yebɣa ad yesselḥeq i wid i t-iḥemmlen, d wid iḥemmlen taqbaylit d tmaziɣt s umata, belli lasel ur ilaq yiwen ad as-yebru maḍi.

D asefru s wazal-is deg uklip, i yeččuren d lemεun. Ihi i wid yebɣan ad as-slen, zemren da, neɣ ad rzun ɣer targa-is n Youtube.