Yemmut ucennay Akerma qrib deg yiwen n wass akked yemma-s

Ass n acer (lḥed) 4 yebrir, i yemmut ucennay Akerma, terna deffir-s yemma-s Nna Ferruǧa, sendiḍelli 5 yebrir. Gar-asen ihi kra n yisragen kan deg wakud.

Akken i d-ffɣen yisallen imezwura kan, di Fransa i yemmut ucennay-a, anda yella yettidir, umi ssawalen daɣen Saleḥ Brahimi. Syinna, kra n yisragen ɣer sdat, temmut yemma-s Nna Ferruǧa, i tuɣ d tamǧahedt di temẓi-s, teḍfer-it ɣer umaḍal nniḍen.

Ad d-nesmekti dakken Akerma d acennay i d-yessuffɣen kra n yiseɣraz (albumen) deg wayen i nezmer ad nger deg uɣanib atrar. Seg walbumen-is, nezmer ad d-nebder abeεda “Tilufa n Si Muḥ Umḥend”, “Tazemmurt” akked “Cebḥen wussan”. Isuffeɣ-iten-id gar 2010 d 2020.

Deg umecwar-is, yella daɣen d aεeggal n terbaεt “Taneflit” deg useggas n 1982.

Aneḍruy-a yesseḥzanen, aṭas i d-yesnulfa d iḥulfan deg wulawen n yinaẓuren i t-yessnen d yimdanen s umata di internet.