(Tividyutin 7/8). Tuɣalin n Uleḥlu: Macahu… ɣef Dda Ceεban!
Ussan-a, i d-yerna isuffeɣ-d Uleḥlu di terga-s tunsibt n Youtube tizlatin nniḍen d timaynutun, tis 7 d tis 8.
Dima d taɣect-nni tazedgant i nessen ɣur-s i d-yesken Uleḥlu, s uẓawan i yezdin gar uqbur d utrar. Imi tikwal smektayent-aɣ-d tezlatin n unaẓur-a amḥaddi s yicewwiqen izwawen n zik.
Akken i nger tamawt ar tura, mgaraden nezzeh yisental i d-yuwi deg walbum-a ajdid, seld lɣiba iḍulen.
Dɣa, deg tezlit Macahu, ɣas d tawezlant, iban-d am wakken yesdukkel deg-s aṭas n yisental, imi tal taseddart ad d-tefk tikti-s.
S umata, nezmer ad d-nini yebɣa ad yerr tajmilt i kra n yimedyazen, am Si Muḥ Umḥend, imi ula d tsetna (refrain) yettales-d i wawal “tamedyezt”.
Si tama tayeḍ, amzun d tiɣri i wid i iɣilen teshel trusi, neɣ wid i itteddun ɣef tagut akken i d-yenna, di ddunit n lfani d nnger.
Ma nsukk-d daɣen tamuɣli ɣef tezlit nniḍen umi yefka isem “Dda.Ceεban”, tban-d εinani d tajmilt i ugrawliw azwaw Dda Ceεban i yemmuten deg yidurar n Libya akked watmaten Imaziɣen n umennuɣ n Tmurt-a.
Uleḥlu yesmekta-d cwiṭ amezruy n urgaz-a abeɣɣas i iruḥen ad yefk afud i watmaten Imaziɣen n Libya di tegrawla-nsen akked udabu aεrab armi yeɣli leklac deg yifassen.
Tzemrem si tura ad teslem i tezlatin-a deg wassaɣen-a(liens) i d-nesres.
7- Macahu
8- Dda Ceɛban
Walit daɣen: