Iɣil Ɛli: Yugi ad yefru wugur n trisiti

Tadayra n Yiɣil Ɛli am nettat am tiyaḍ di tmurt n Yiqbayliyen, tesεa lexṣaṣ d ageεmir deg ttawilat n tudert. Ama d aman, iberdan, neɣ d ayen-nniḍen.

Ula d trisiti, xas ma yella yeggeḍ-asen acḥal-agi, lameεna leεmer tεedda ddurt war ma qqimen kra n yisragen mebla tafat.

I yisalli, aɣbel-a yettili-d ladɣa deg wass n sem.

Γef leḥsab n yisallen i aɣ-d-yeggḍen, d tizemmar n teɣbalut n trisiti-a i ixuṣṣen. Daymi i d-yettuɣal ugur-a yal tikkelt.

Imizdaɣ n temnaḍt-nsen ssaramen ad yefru wugur-a uqbel ad d-yekcem unebdu. Ayagi imi tamnaḍt-nsen tettwassen s lḥamu. D ayen i ten-yeǧǧan sseqqdacen abuḥray.