Yemmut Ɛli Yeḥya Ɛebdennur tasebḥit-a: cwiṭ n wawal ɣef umecwar-is

Ass-a tasebḥit, 25 yebrir, i yemmut ubugaṭu d umeɣnas n yizerfan n umdan Ɛli Yeḥya Ɛebdennur, deg yixef-is 100 n yiseggasen.

Ma nuwi-d taḥawact d tamecṭuḥt ɣef umecwar-is aɣezfan, ilul urgaz-a deg Ayt Yeḥya, di Tizi Uzzu.
Deg 1945, yekcem deg ukabar PPA-MTLD, yuɣal yeǧǧa-t seld tazɣint tamaziɣaẓrit.

Deg 1955, yekcem ɣer ukabar n FLN. Yettwaṭṭef deg 1956, armi yufa tilelli 4 n yiseggasen aredqal.

Deg taluft n 1963, yedda tazwara d Ḥusin Ayt Ḥmed.

Yella d aneɣlaf ugar n yiwet n tikkelt deg unabaḍ n Lezzayer, abeεda win n Bumedyen.

Yella daɣen d aselway n temɣunt tazzayrit n yizerfan n umdan seg 1989 armi d 2005.

Yura aṭas n yidlisen s tefransist, gar-asen Crise berbère de 1949: portrait de deux militants, Ouali Bennaï et Amar Ould-Hamouda akked Mon testament pour les libertés.