Yura “tilelli” s yidammen-is: asmekti n 20 n yiseggasen segmi yettwanɣa Kamal Ircen

Di Tefsut Taberkant daɣen i yettwanɣa yilemẓi Kamal Ircen s rrsas n yiǧadarmiyen deg Yiεeẓẓugen, ass n 27 yebrir 2001.

Dɣa, mi tent-yuɣ aṭas deg yidmer, send ad iselqef, yura di teɣrabt n yiwet n tecrift s yidammen-is isem “tilelli” s tutlayt tafransist. Amzun akken d accekti i Yifransisen, imi kkin di temhersa i ttidiren Yimaziɣen d Yizwawen ar ass-a.

Ilmend n usmekti-is, gan di taddart At Ɛisi, deg Yiɛeẓẓugen, tigawt tazamulant n tejmilt mi ssaɣen ticemmaεin iḍ iεeddan, 27 yebrir. Sḍefren leqsic-nsen s kra n tezlatin n teqbaylit n umennuɣ, am tezlit n Ɛli Ideflawen, ǧǧet-iyi abrid ad εeddiɣ. Rnan gan tirza i uẓekka-s.

20 n yiseggasen i iεeddan ass-a, ttarran-as tijmilin akk wid yegzan amennuɣ-is d yizen i d-yeǧǧa.