(Tiwlafin)Deg wayyur n remṭan: Ayen ttḍeggiren medden d tuččit ugar n wayen i tetten

Ladɣa deg wayyur n remṭan, ttuɣalent-d tewlafin n tuččit yeččuren ibidunen n ugudi.

Wissen d laẓ i ten-yettdemmiren ad d-aɣen ugar n wayen umu sran, neɣ d tasertit deg wacu i d-kkren. Acku ɣef leḥsab n kra n inigan, llan wid i mazal ttsettḥin ad d-aɣen yiwet n texbizt neɣ snat.

Yuɣ lḥal, ɣas ma yella llant tdukkliwin i d-yessawalen i uḥezzeb deg tuččit deg wayyur n remṭan. Rnu i usɣan i yellan mgal adegger d tuffɣa n leεqel deg uṣerref n tedrimt. Ula d taɣamsa, tezga tettmeslay-d ɣef usentel-a myal tikkelt, tessendah medden akken ad issinen tilisa-nsen.

Maca win iwalan amḍan n texbizin i yettenḍeggaren deg yiberdan, ad yegzu belli ulac win i d-yeslan i tiɣri n usenqes.

Ayen yessewhamen ugar, d win ara yeẓren belli yella win yeḥwaǧen. Lameεna ad yefren ad idegger tuččit-nni.