Bgayet: Nadir Ait Zenati yeggeḍ leεfu n Rebbi

2 mai 20212 mai 2021 Tiziri Bgayet, Iɣil Uεeẓẓug, Mort de Nadir Ait Zenati

Seld amennuɣ-is iḍulen akked waṭṭan, yeggeḍ unaẓur Aqbayli Nadir Ait Zenati tameddit n wass-a leεfu n bab igenwan.

Γef leḥsab n yisallen i aɣ-d-yeggḍen, aneggaru-a yemmut deg uxxam-is gar twacult-is.

I yisalli, Nadir d mmi-s n Yiɣil Uεeẓẓug, tawilayt n Bgayet. Ass-a yeǧǧa-aɣ di leεmer-is 62 n yiseggasen.

Γas ma yella terfed-it tmettant netta mazal-it meẓẓi, maca deg ulawen-nneɣ ad yeqqim d ameqqran. Ihi ilmend n yisalli-a qerriḥen, agraw n uɣmis ” Isaḥliyen ” ṣṣawaḍen aεezzi-nsen i twacult-is. Ad asen-d-yazen Rebbi tabɣest, ma d-netta iẓiɣer-is di talwit n Yuc.