(Tavidyut).Taqṣidt n Ḥakim, d asfel n Tefsut Taberkant

27 di Yebrir 2001, d ass ideg tbeddel tudert-is, am netta am watmaten-is. Arezqi Ḥakim, d yiwen n yilemẓi i tḥuza twaɣit n Tefsut tTaberkant. D asfel n lbaṭṭel d temḥeqranit n yeεdawen n tudert.

Γas ma yella ur tufiḍ d acu i xedmen, am netta, am wid akk i d-yeffɣen ass-n. Ala izerfan-nsen i ssuturen, lameεna tafat n usirem tuɣal-as d ṭṭlam deg wallen. Ḥakim ma nezmer ad as-nsemmi s wawal, ad as-nefk isem tabɣest.

Imi, ɣas ma yella yedder taswiεt qessiḥen, ur yebri ara i usirem.

Taqṣiḍt-is tεedda akkin i tilawt, tin i d-yeḥka di tedwilt ” Tedx versailles grand parc “. D yiwet n tvidyut i d-iḥekkun ɣef twaɣit i d-as-yeḍran.

Iḥulfan s waci i aɣ-d-yettmeslayen, ttmeslayen iman-nsen war awalen. Yebda-tt-id s tayri d leḥmala i yesεa i tmurt taqbaylit, yessuli-tt s tayri-nniḍen i yesεa i twacult-is d wid i t-iḥemmlen, i as-igan tabɣest i wakken ad yenjer abrid-is.

Tadyant i yeḍran i Ḥakim, ɣas ma yella teṣruḥ-as tamuɣli n wallen. Lameεna seg tama-nniḍen, tesnulfa-d deg-s lebɣi s wacu i iqubel teqseḥ n wussan.

Ḥakim yettidir di tmurt n Franṣa, d aneddal n ” cécifoot ” di tmurt-a daɣen. I yisalli, yeggi talɣuɣa n Turupt deg useggas n 2009.

Γas ma yella yettidir berra n tmurt n Yiqbayliyen, Ḥakim werǧin yettu tamurt Tamurt-is.

Walit taqṣidt n umennuɣ-is deg tvidyut-a.