Iɣil Ɛli: tajmilt i Nasira Ɛedruc

D yiwet n tmeṭṭut i yuklalen leqder, d tin yesεan ul ḥninen, d tin yettbuddun, ixeddmen lxir. Daymi i as-semman deg temnaḍt n At Ɛebbas Yemma-s n Yiẓawaliyen.

Ulac win ur tt-yessin ara deg Yiɣil Ɛli, ladɣa imi tella txeddem deg uxxam n tɣiwant.

Γas ma yella terfed-itt tmettant nettat mazal-itt meẓẓi, meεna teǧǧa-d amkan-is d azedgan. D ismektiyen i yugin ad ttun wulawen, imi ala ayen yelhan i texdem.

I wakken ad as-rren tajmilt, agraw aɣerfan anɣiwan n Yiɣil Ɛli, ɣef uqerruy-is aselway-is Mass Ḥamid Benaziz, heggan-d i tmeddit n wass-a 8 di mayu yiwet n temlilit s wazal-is. Taneggarut-a ad d-tili di tzeqqa n tmeɣriwin, deg taddart n At Sasi.

Yuɣ lḥal Massa Nasira Ǧettan tella tessuddus myal aseggas tameɣra n ṭṭhara n warrac imecṭaḥ i d-theggi tɣiwant n Yiɣil Ɛli.

Γef waya i bɣan ad as-rren tajmilt di tmeɣra n tikkelt-agi.

Deg wahil n ttiεad-a ad d-illin icewwiqen, aseḥḥar, tuqqna n lḥenni, tinagiwin n wid yessnen tameṭṭut-a, akked tifki n warazen.

Seg tama-nniḍen, tajmilt-a d tin ara rren i yixeddamen n tɣiwant i yemmuten, am Farid Budiba, Ḥamu Ǧaεeffri.