Tamriǧt: yemmut uqcic-nni Mumuḥ i yeffɣen iḍelli ɣer udrar

Aqcic amecṭuḥ n tɣiwant n Temriǧt, Muḥemmed-Amin Heddur, i yeffɣen seg uxxam ɣer udrar, ufan-t yemmut.

Ɣef wakken i d-tuwwi teɣbalut-nneɣ, iḍelli tasebḥit, 6 di yunyu, yeffeɣ ugrud-a, mu ssawalen merra Mumuḥ, ɣer udrar akken ad d-yekkes ẓẓeεter. Yuɣ lḥal, aṭas n warrac i d-iqellεen akka tura zzeεter, znuzuyen-t gar 700 d 1000 n yidinaren i ukilu.

Mbeεd tiɣri n unadi i d-suffɣen yimawlan-is, mi walan ur d-yekcim s axxam mmit-sen bu 10 n yiseggasen, kkren yimezdaɣ n temnaḍt-nni i uḥebber fell-as deg yidurar. Yal yiwen yekki deg unadi, armi i t-ufan deg yiḍ war iẓiɣer, di tlemmast n teẓgi.

Seld tawaɣit-a yesseḥzanen, at Temriǧt merra aql-iten qebren ɣef uneglus-a i asen-d-yeǧǧan ala aktayen yelhan.