Tanmehla n yidles n Tizi Wezzu: amsizwer n trudemt ifazzen d tajmilt i Lwennas Meεtub

Tberreḥ-d ussan iɛeddan deg yiwen n wulɣu Tenmehla n yidles d tẓuriwin n ugezdu n Tizi Wezzu s yiwen n umsizwer (concours) n usuneɣ d tajmilt i ugrawliw Lwennas Meεtub.

Yerza usizwer-a n trudemt iifazzen akk inaẓuren i yessunuɣen s ufus neɣ s ttawil n ssbiɣa (taklut). Apurtri-nni ara d-yesnulfu unaẓur, ilaq ad yettwasewwer amek ad d-teffeɣ tewlaft s tɣara yelhan HD. Syin akkin, ad tettwaceyyeε s ubrid n yimayl aliktrunik ɣer tansa-a: dctoconcours@gmail.com. Yuwwi-d ad d-yeddu daɣen yisem, tansa d tilifun n yimekki.

Yuɣ lḥal, azemz aneggaru n uceyyeε d ass n 20 yunyu 2021.

Iqeddicen n wid ara yekkin, ad ttwafesren deg yiwet n temzikkent ass n 24 yunyu 2021. Wid ara d-yufraren, ad asen-ttunefken warrazen, akken i d-yedda deg wulɣu-a.