(Tiwlafin). Larebεa n Ayt Yiraten: tettkemmil tmeɣra n ureḍlim

I wass wis sin, tettkemmil teẓrigt n useggas-a n tmeɣra n ureḍlim (cerises) i d-theyya tɣiwant n Larebεa n Ayt Yiraten (Larbaâ Nath Irathen) ɣef teɣzi n kraḍ n wussan, i yellan d 17, 18 d 19 deg wayyur n yunyu ideg nella.

Deg wahil n yiḍelli, nnig n temzikknin n yifarisen (produits) n temnaḍt, llant-d tasebḥit temliliyin n ddabex uḍar gar yilemẓiyen. Syinna, mettwal 10:30, ttwasuddsen-d kra n yisaragen ɣef umaḍal n tkerza, imɣan d yifarisen n tgella.

Ass-a n 18 yunyu, rnan-d ɣer tefsarin waṭas n warmuden n waddal, am tazzliwin d ddabex ufus. Ttwasneεten-d ula d isura iwezlanen, yecban “Anẓar” akked “Asmurres” i yura Ɛli Budaren.

Ma yella azekka, ad semmdent temzikknin n yifarisen n tfellaḥt. Ad d-ilint kra n temliliyin n waddal. Am wakken ara d-yili ugala n ccna swayes ara tettwaseqqef tedwilt-a.

Annect-a d cwiṭ kan seg wayen yemmuggen deg uneḍruy-a, wamma ahil gan-t yimheyyiyen d amerkanti ayendin.