Ayt Smaεel: tettwaker s lekmal tzeqqa n wurar

Iḍ n 21 d 22 yunyu 2021, di taddart n Ayt Tεisiwt, taɣiwant n Ayt Smaεel, deg usamar n Bgayet, tettwaẓdem sɣur yimakaren tzeqqa n wurar i yellan di taddart-nni seg wacḥal tura d aseggas.

Ɣef leḥsab n yisallen i d-yefka bab n tzeqqa-a n wurar, ulac d acu i as-ǧǧan yimakaren-a seg wallalen i tuɣ yesεa dinna. Am tiliẓriwin, aselkim, iplayen n wurar, idiskjukiyen.

Imdanen-nni at nniya ixesren εewwlen-d ad sferɣen tazeqqa-nni i ufan ayendin yilemẓiyen n temnaḍt-nni. Seld tadyant-a, usan-d ɣer umkan yipulisen n unadi akken ad d-afen kra ara ten-yessiwḍen ɣer usbeyyen n yimakaren.

Deg wayen i d-nnan ar tura, imakaren-a ukren di lɣerḍ-nsen, syin rewlen s dduzan-nni deg ukerrus. Yuɣ lḥal, mazal yettkemmil unadi ar tura.

Ɣer taggara, ad d-nesmekti dakken mačči d tikkelt tamezwarut i d-teḍra tukerḍa n tḥanut di taddart-nni n Ayt Tεisiwt.