Sidi Ɛeyyad: mazal ur d-iban ula d isalli ɣef Debbu Ɛellal

Debbu Ɛellal, d yiwen n yilemẓi i yesεan 39 n yiseggasen di leεmer-is, d mmi-s n tɣiwant n Sidi Ɛeyyad. Aneggaru-a, segmi i yeffeɣ ass n 25 di yunyu ar ass-a, ur d-iban fell-as ucemma.

I yisalli, Mass Ɛellal yella ixeddem d anehhar deg termiṣin. Meεna deg wayyuren ineggura ḥebsen-t-id, imi yenqes uxeddim deg teswiεt n Corona.

D ayen i t-yeǧǧan dɣa, yuɣal ixeddem s tkerrust-is i yiman-is, yeṣṣawaḍ medden ɣer yidigan i asen-yehwan.

Γef leḥsab n twacult-is akked yimezdaɣ n taddart-is, Yettwakra deg yiḍ n wass n 24 di yunyu sɣur sin n yemdanen, seg imir-n ur d-iban.

Ma yella d takerrust-is tettwawef deg twilayt n Bumerdas, yerna deg-s ccwami n usehwu ( accident ).

Ayen yessuhamen deg tedyant-a, amek armi ur ufin ara deg tkerrust win i tt-yeseddayen.

Di taggara, i kra win i t-iwalan, neɣ yesεa kra n yisalli fell-as, yezmer ad issiwel ɣer wuṭṭun 0794 21 62 55, atan tawacult-is d warraw-is ttqelqen fell-as. Nessaram ad d-yuɣal s tezmert-is i twacult-is d wid i t-iḥemmlen.