( Tiwlafin ): Imaziɣen anda ma llan akked JSK, terbeḥ neɣ texṣer

Yenna-as unaẓur Zeddak Mulud:

yid-m ass-a d uzekka

Nukni dayma akka

Γas d urar i aɣ-d-yettawin.

Trebbḥeḍ nettekka

Ma txeṣṣreḍ d JSK

Acḥal i aɣ-yesserbaḥ yisem-im.

Akka ihi d awal s wazal-is, imi JSK ur telli d tarbaεt n ddabex kan. JSK d tin yessdukkulen Iqbayliyen d Yimaziɣen anda ma llan. Γas ulamma tikwal ttilint-d temsal ur ttemtawan ara deg-sent, meεna ayen yerzan tarbaεt n JSK, ḥemmlen-tt akk, ssaramen-as ad d-tufrar gar tiyaḍ.

Ayagi dɣa, iban-d am tafukt ussan-a, acku d ttiεad n teqbuct n Tefriqt i tt-id-yettεassan.

Yuɣ lḥal, anda yella uqbayli ama di Bgayet, Tizi wezzu, Tubiret, Lezzayer Tamanaɣt, neɣ di twilayin-nniḍen, yessaram-as rrbeḥ i JSK. Ula d kra n wid yellan mačči d Iqbayliyen ddan-d yid-s.

I yisalli ddeqs n Yimaziɣen i tt-iḥemmlen i yerzan i Cotonou, ama seg lmarikan, seg Kanada, Franṣa, neɣ seg tmura-nniḍen. Izen-nsen d yiwen, bɣan as-inin aql-aɣ s idis-im, trebbḥeḍ neɣ txeṣṣreḍ.