Tamedyazt Suεad Ɛekku teggeḍ leεfu n Yellu

46 n yiseggasen di leεmer-is, Suεad Ɛekku, d yiwet i iruḥen d asfel n usehwu n webrid i d yeḍran idelli deg wasif n userdun, di Buzeggan.

D yiwet n tmeṭṭut i yuklalen leqder d ameqqran. D tin yellan meḥbub sɣur yemdukkal-is, d At taddart-is, d wid akk i tt-yessnen. Acku, tella d tin iḥercen, d tin iẓewren di myal leqdic.

Γas ulamma tella d tin yettxiḍin deg temnaḍt n Buzeggan, meεna ur yeḥbis uxeddim-is dagi, imi tefka azal ula i usefru, d usnulfu.

Ad d-nesmekti belli, Suεad d tin icennun daɣen. Wanag, tamettant ur tettmuddu akud, ur tt-teǧǧi ad d-tessuffeɣ album-is i tella tesseklas.

Ula d amaḍal n tira tekcem deg-s, imi tella tettaru tiqṣiḍin i warrac imecṭaḥ.

Di taggara, neṣṣawaḍ izen n uεezzi i twacult-is, fell-as talwit n bab igenwan.