Melbu: yeɣreq yiwen n yilemẓi, ma d tafekka-s ur tt-ufin ara

Γef lewhi n 15h n tmeddit n iḍelli, i yeɣreq yiwen n yilemẓi i yesεan 24 n yiseggasen, deg teftist n usagen aqbur ( vieux port ), di Melbu.

Γef leḥsan n yisallen i aɣ-d-yeggḍen, ilemẓi-a laṣel-is n Maskara.

Imir-n dɣa, ssawlen wid iḥeḍren i yiqeddacen n Uḥuddu aɣarim. Γas ma yella ur εeṭṭlen ara i wakken ad d-leḥeq, meεna ur ṣṣawḍen ad afen tafekka n win iɣerqen.

I yisalli, taftist-nni war taεessast. Ma d anadi ɣef weqcic-a atan mazal yettkemmil.

Akken nnan imezwura-nneɣ, aḥader yugar aqaḍer, ihi tlaq lemḥadra.