Talɣuɣa: d snat n tneqqiḍin ɣlayen i ṣruḥen Yilemẓiyen n Leqbayel

Deg umecwar-is n talɣuɣa, temεadal terbaεt n JSK iḍelli sdat n tin NAHD, s yiwen n yiswi di myal acebbak ( 1-1 ).

I yisalli, deg uḥric amezwaru, mεadalent tegnatin gar snat n trebbuyaε, i yuraren s umata di tlemmast n wannar.

Ma yella deg uḥric wis sin, d tarbaεt n NAHD i yezwaren tewwi-d iswi, di dqiqa tis 49, sɣur umyurar Busalem.

Armi d imir-n dɣa, i d-ukin yemyuraren n JSK, i yellan stehzan.

Seld iswi-a n terbeεt n NA Hussein Dey, imyuraren-is uɣalen ttḥuddun ɣef ucebbak-nsen, i wakken ad ḥerzen agemmuḍ-a.

Ma yella d imdukkal n Bencrifa, seg imir-n nutni εerrḍen ad d-uɣalen deg ugemmuḍ.

Armi i mazal 15 n ddeqayeq i wakken ad tekfu temlilit, yeṣṣaweḍ Bencrifa yewwi-d iswi n umεadal.

S ugemmuḍ-a ihi i tekfa temlilit. Aneggaru-a ur yeṣṣefreḥ ara wid iḥemmlen azegzaw d uwraɣ. Acku, d snat n tenqiḍin ɣlayen i ṣruḥen deg temsizzelt n talɣuɣa.