Lɣar n Xerraṭa d amihi ameqqran ɣef yinehharen

Lɣiran n Xerraṭa i yellan gar Lberǧ Mira akked Xerraṭa, deg ubrid aɣelnaw 09 i yeqqnen Bgayet akked Ṣtif, uɣalen d amihi ameqqran ɣef yinehharen.

Ddeqs n yiseggasen tura segmi yella ugur n tafat deg-sen. D ayen i yeǧǧan dɣa, amḍan (nombre) n yisehwa irennu seg useggas ɣer wayeḍ

Ladɣa deg teswiεt n unebdu, imi yettili deg-sen leḥris n tkeryaṣ.

Amahi ageεmir atan deg ufalu amezwaru, mara ad d-yas yiwen seg Bgayet ɣer Ṣtif. Aneggaru-a yuɣal d adeg n lmut, abeεda i win ur t-yissin iεedda-d syin-a i tikkelt tamezwarut.

Rnu i uɣbel n tafat, lɣar-a yeččur d ddexxan ( anaɣur ) i igedlen tamuɣli i yinehharen. War ma nettu, lgaz i yettdewwiren dinna, yerra liḥala-s akk d taberkant.

Ihi i kra n win yettεeddayen seg ubrid-nni, ilaq ad iḥader iman-is, ad yeddu s leεqel kan, yerna ur iεerreḍ ad iεeddi tikerrusin-nniḍen.