Yemmut lǧemɛa-a s Covid-19: awal ɣef umeɣnas n 80 Racid Ayt Wakli

Yemmut sem-a (lǧemεa) 16 yulyu 2021, di sbiṭar Balwa n Tizi Uzzu, umeɣnas Racid Ayt Wakli (Rachid Aït Ouakli), seld mi t-yerna waṭṭan n Covid-19 ukud yennuɣ ddeqs n wussan.

Yuɣ lḥal, yella Racid Ayt Wakli seg 24 n yinekrafen n Umussu n Tefsut n 1980, ɣef ssebba mi d-yeffeɣ netta d yimdukkal i usuter n yizerfan n yidles d tmaziɣt s umata. Tuɣ-t d asdawan di tesdawit Mulud At Mεemmer mi yettwaṭṭef, gren-t di lḥebs n Berwagiya.

Yella daɣen seg wid i d-yesbedden Amussu Adelsan Amaziɣ deg yiseggasen-nni n 1980. Di tudert-is, yeqdec d aselmad n tussniwin tigamanin deg uɣerbaz alemmas n Micli.

Ɣef tnaga n wid i t-yessnen, i as-yerran tajmilt s wawal, segmi yella Racid Ayt Wakli d ilemẓi netta deg ubrid n umennuɣ d tidet. Ula d timesbaniyin neɣ d yinejmuεen ɣef tmaziɣt d tugdut, anda yella usihar atan din.

Ad d-nesmekti dakken yettwamḍel d sed 17 yulyu, deg taddart n Uẓaɣar Aḥfir, di Micli.