(Tiwlafin).Corona: sdat ttawilat n udawi ixuṣṣen, kkren yimezdaɣ n kra n tudrin ddukklen

Akken i neẓra akk, aṭṭan n Covid yettnerni seg wass ɣer wayeḍ. Simmal tettiwεir, tettiqsiḥ teswiεt.

Ula d ttawilat n udiwi ulac-itent di Tmurt n Lezzayer. Niqal xuṣṣen sbiṭarat, ma d tura, ula d takemmict-nni n wid yellan yakan ur ṣliḥen ara. Ula d cwiṭ n nnefs n Oxygène i sḥeqqayen yimuḍan, ur t-ttafen ara.

Ur d srayer, ur d tezdeg, ur d aman, tiqqit ma tnuḥ deg sbiṭarat-agi. Ihi, ddwa n yal yiwen atan deg ufus-is, ilaq ad nḥader iman-nneɣ s yiman-nneɣ.

Γas ulamma neṣruḥ ddeqs n wid nessen, meεna mazal llan wid ur yumen s waṭṭan-a. Ur ttḥadaren, ur ttaǧǧan yiwen ad iḥader.

Yuɣ lḥal taswiεt mačči d tin isehlen, daymi i ilaq ad ddaklen yimezdaɣ n tudrin, akken ad sseḥbibren ɣef tuddar-nsen. Ad ḍefren abrid n yimezdaɣ n Ɛzazga. Ineggura-a ffɣen ɣer twilayin-nniḍen, wwin-d 61 n tqerεatin n Oxygéne i sbiṭar n Azazga.

Ccɣel-agi d win yeṣṣefreḥen nezzeh ama d imsujjiyen, neɣ d imezdaɣ n temnaḍt-a. Nessaram ad ten-ddmen wiyad d amedya.