Bgayet: Meryem Ǧiǧli teṭṭef amḍiq wis sin deg ukayad n BAC s 19,05

Meryem Ǧiǧli, d yelli-s n Uweqqas, i yeqqaren di tesnawit n umeɣraṣ Ɛebban Remḍan, di Melbu. Taneggarut-a, tusa-d deg umḍiq wis sin deg ukayad n BAC, di twilayt n Bgayet. Tewwi-t-id dɣa s 19,05 , tusa-d deffir n Ferruxi Rim, i t-id-yewwin d 19,14.

I yisalli, taqcict-a tella d tuḥrict si zik, tewwi-d akayad-is n taggara n uswir amezwaru s 10/10. Am akken, i d-tewwi Akayad-is n BEM s 18,71.

Ahat ayen i tt-iεewnen ugar deg umecwar-is n leqraya, d tawacult-is. Acku am Yemma-s, am Baba-s, d iselmaden di sin. Dayen i ten-yeǧǧan fkan-as afus n tallelt, llan yid-s seg tazwara n useggas.

Rnu i waya, ɣef leḥsab n tnagiwin n kra n wid i tt-yessnen, ula d nettat tesεa lebɣi, tettnadi ad tissin.

Meryem ass-a teṣṣefreḥ tawacult-is, terna iselmaden-is, d wid akk i tt-iḥemmlen. Seg tama-nneɣ, ad as-nini ayyuz fell-am, afud igerrzen ɣer sdat.