Uraren n Tokyo: yejbed iman-is Uzzayri Nurin Fetḥi akken ur yetturar d Usrayili

Yejbej iman-is unaddal Azzayri n judo Fetḥi Nurin seg tberza (tournoi) tulampikt (-73kg) akken ur yettemlili d umurar Asrayili Tohar Butbul deg uḥric wis sin.

Yuɣ lḥal, mačči d timlilit akked Uday i yellan tettraǧu srid anaddal-a Azzayri. Maca, niqal ilaq ad yurar deg uḥric amezwaru mgal Asudani Muḥemmed Abdelrasul.

Ɣef waya, iberreḥ-d unaddal i tɣamsa amhad-a (lexmis) iεeddan: « Neεteb aṭas akken ad nsiweḍ ad nεeddi ɣer wuraren-a ulampiken, maca d taluft tapalastinit i d tageεmirt ugar n waya », d kra seg wayen i d-yenna daɣen ɣef teɣtast-is (décision) deg wuraren-a i d-yettilin di Tokyo.

Si tama-s, asleɣmay n terbaɛt tazzayrit n judo imeslay-d ɣef tesɣart i d-yellan, imi ɣur-s netta, ur sεin ara zzher mi d-ɣlin akked umurar-a Asrayili.

Ad d-nesmekti dakken mačči d tikkelt tamenzut ara yagi unaddal-a ad yurar d Uday, imi iga-tt yakan deg Yimaḍalanen (Mondiaux) n 2019.

Yuwwi-d ad d-nerr awellih dakken buhan i d-yewwten deg rray n unaddal-a, imi ttwalin ur d ayen yelhan asekcem n tsertit deg waddal.