Amεellem n Summam Lunis Ḥamituc, yefka tadrimt i tiɣin n 18 n tmacinin n Uksijin

Deg tdiwennit i as-iga uneɣmas i tiliẓri ” Berbère Tv “, Mass Kamel Tarwiḥt, amεellem n Summam, Mass Lunis Ḥamiṭuc iwekked-d belli ad iεiwen 18 n sbiṭarat i wakken ad d-aɣen timacinin n uxdam n uksijin.

Γef leḥsab-is, llan wid umu yefka yakan acaken ( les chèques ), llan wid i mazal. Ineggaru-a dɣa, d wid i mazal ur d-wwin ara tifakturin.

Ad d-nesmekti belli, timacinin-a ulac-itent di Tmurt n Lezzayer, ilaq ad tent-id-awen seg berra-s. Daymi i yettεeṭṭil cwiyya ccɣel-agi.

I yisalli, Mass Ḥamiṭuc imudd i tiɣin n tmacinin-a, ama i temnaḍin n Tmurt n Leqbayel, ama i twilayin-nniḍen. Yuɣ lḥal, d netta i yessawlen i wid iwala xeddmen-d tiɣri di facebook, akken i d-yenna deg wawal-is.

Deg wawal-is, ibder-d kra n win i d-yesfayden seg tedrimt i tmacinin-a. Deg twilayt n Tizi Wezzu, yesselḥeq tadrimt i ṣbiṭar n Azazga, Draε lmizan, Buɣni, Azeffun, akked Larebεa n At Iraten.

Ma yella di twilayt n Bgayet, yefka acaken i Xerraṭa, At Wertilan, Aweqqas, akked sbiṭar n temdint n Bgayet frantz fanon.

Ma d ayen yerzan tiwaliyin-nniḍen, tella Ɛin Taya di Lezzayer Tamanaɣt, Tipaza, Cclef, Ɛin Timucent, Ǧelfa, Ɛin Azal di Ṣtif, Xencla, d Skikda.

Di taggara yewwi-d fell-aɣ ad nessnemmer argaz-a, imi timital-is ur llint buhan. Ula d ameslay-is yekfa-t s wawal aẓiḍan, imi yesnemmer akk wid yettaɣen Ayen i d-ixeddem luzin n Summam, acku ɣef leḥsab-is, s yes-sen i yelḥeq i wayen deg wacu yella tura.

Aḥuddu aḥunnu fell-as, nessaram-as tazmert n tzemmurt.