Larebεa n At Iraten: azal n 60 i yemmuten ɣef sebba n yijajiḥen n tmes

Γef leḥsab n tnemhalt n sbiṭar n Larebεa n At Iraten, di Tizi wezzu, azal n 60 n yemdanen i iruḥen d asfel n ibelbulen ( ijajiḥen ) n tmes, segmi i d-bdan ar tura.

Ad d-nesmekti belli, kraḍ (3) n wussan tura segmi i tekker tmes di twilayt n Tizi Wezzu. Anda i d-tebda di tazwara di tẓegwa, syin akkin telḥeq-d ula i yixammen.

Gar wid iruḥen d asfel, ad d-nebder Sara akked Lǧuher Bensalem, seg taddart n Ixliǧen, i yemmuten akked yemma-tsent deg uxxam-nsent myenṭaḍent. Rnu i tneggura-agi, temmut twacult s lekmal i yesεan tlata n yiεeggalen deg tkerrust-nsen.

Wigi d amedya kan, war ma nettu wid yerɣan atnan di yir liḥala di sbiṭarat. Imezdaɣ n temnaḍin-a teṭṭef-iten tuggdi, llanh twaculin i yeṣruḥen iεeggalen-nsent, ar tura ur d-banen ucemma fell-asen.

S ugzul n wawal, d axeṣṣar i yeḍran di Tmurt n Leqbayel.