Addal/JSK: iteddu Crif Mellal ad d-yesnulfu tarbaεt n tlawin?

Ur yettεeṭṭil ara uselway n terbaεt n JSK, Crif Mellal, ad d-yesnulfu tarbaεt n tlawin n ddabex n uḍar, i tin n yirgazen yellan yakan. D asenfar i ssaramen waṭas n Teqbayliyin d Yiqbayliyen.

Ɣef wakken i d-ffɣen yisallen sɣur wid yeṭṭafaren addal, d Takunfidiralit Tafriqt n Waddal i yebɣan ad d-tefk tawtilt (condition) n usεay n terbaεt n twetmin i tal tarbaεt i yebɣan ad d-turar timzizzlin tifriqin (compétitions africaines).

Ma iban-d waya d unsib deg wussan i d-iteddun, ilaq ɣef Crif Mellal ad d-yesnulfu tarbaεt n twetmin sya ɣer qabel ma iεeṭṭel, akken ad tili thegga terbaɛt tagejdant i tsemhuyt 2022/2023. Mačči d ayen ara d-yezgen d aεewwiq i uselway n JSK, skud si zik iḥemmel ad yefk amkan i tmeṭṭut akken i as-t-yefka daxel n wannar.

Ad d-nuɣal deg uɣmis-nneɣ ɣef umaynut n taluft-a, deg yimalasen i d-iteddun, imi acemmek ur iban tura s tidet.