Larebεa n At Yiraten: yenɣa iman-is yilemẓi nniḍen ussan-a

Yeḍra-d ubaxix yesseḥzanen nniḍen deg Lεerc n Larebεa n At Yiraten, taddart mu qqaren Imεinsren, mi iga talast i tudert-is yiwen n yilemẓi-nniḍen ass n 19 ɣuct yezrin. Argaz-a, s Tmezwura n M. Sufiyan, yella di leεmer-is 31 n yiseggasen kan.

Ilaq ad d-nini dakken, ɣef wawal n yimezdaɣ n Larebεa n At Yiraten, yezmer ad d-tili ssebba n unɣiman-a (suicide) d indaren n tmes i d-yellan ussan-a iεeddan di temnaḍt-nni, imi addad apsikuluji n yilemẓiyen d yimezdaɣ s umata ur igerrez seld yir tadyant-nni i ddren.

Dɣa, i yisalli, llant kra n trebbuyaε n yipsikulugen d yipsikyatren i yerzan ussan-a ɣer Larebεa n At Yiraten akken ad mmeslayen d twaculin yenṭerren.