Talɣuɣa: JSK tuwwi-d arbaḥ si berra mgal n tarbaεt n Paradu

Tella terbaεt n Yilemẓiyen Inaddalen Izwawen (JSK) ass-a tameddit, 24 ɣuct, d tinebgit n terbaεt n Paradu (PAC) ilmend n wass wis 38 n tlɣuɣa. Deg-s terna JSk s 1 ɣer 0.

Deg temlilit-a, i d-yeḍran deg wannar Axxam amellal, turar terbaεt taqbaylit s yimuraren ilemẓiyen d imaynuten, gar-asen wid i d-trebba nettat s umḍan n 7 n yisuram (espoirs)

Aḥric amezwaru, ldint snat n trebbuyaε urar, uraren akken tal yiwet ad taweḍ acebbak n tayeḍ.
Dɣa, sawḍen yimdukkal n Buεliya ad d-awin iswi s ubrid n Hewwari, di temrect tis 39.

Seld asteεfu, uɣalen-d yimuraren ɣer wannar i uḥric wis sin.
Ahat ur nwala deg-s amgarad ɣef wamek iga uḥric amezwaru, ala kra n tegnatin tiεiqrin.

Nezmer ad d-nini ula d ilemẓiyen n JSK fkan-d udem yelhan tameddit-a.

Deffir temṭlilit-a, ṭṭfen n yizmawen n Ǧerǧer amḍiq wis sḍis (6) deg usismel s 60 n yiεeqqayen.