Bgayet: ruḥent snat n tlemẓiyin seg taddart n Tifra

Snat n teqcicin d tilemẓiyin i iruḥen seg taddart n Tifra, tawilayt n Bgayet. Tamezwarut d Ixlef Ḥnifa i yesεan azal n 17 iseggasen di leεmer-is.

Ma yella d tis snat, d tamsiwt Maden Suraya i yesεan 24 n yiseggasen di leεmer-is. Taneggarut-a, ɣef leḥsab n yisallen i aɣ-d-yewwḍen, segmi i teffeɣ iḍelli ɣef 8:00 n tnezzayt, ar tura ur d-iban fell-as ucemma.

Taddart n Tifra tenhewwal s yisallen-a, imi d snat n tlemẓiyin i yellan deg tezmert n wallaɣ-nsent. S unamek-wayeḍ, yessewham rrwaḥ-nsent i d-yellan meḥsub deg yiwen n wass.

Ad d-nesmekti belli, imawlan-nsent atnan di yir liḥala. Acku ttqellqen nezzeh fell-asent.

Ihi i kra n win i tent-iwalan, neɣ yesεa kra n yisalli fell-asent, ad yeṣṣexber iɣallen n laman.

Am akken i tzemmren ad tessiwlen ɣer wuṭṭunen-agi. Wid n yimawlan n Maden Suraya: 0541525919, 0662036777.

Ma d wid n Ixlef Ḥnifa: 0658752739, 0775299181, 0780766837‎.

Nessaram ad tent-afen s uɣiwel, di liḥala yelhan.