Aḥric n usegmi: ur yettbeddil wezemz n yimuraṣ

D anemgal n wayen i yellan yetturaǧu, ur ibeddel wazemz n yimuraṣ iɣurbizen, ɣas akka, anekcum aɣurbiz n useggas-a yettwawexxer.

Γef leḥsab n wayen i d-iberreḥ uneɣlaf n ussegmi, aseggas-a ad ilin deg-s kraḍ n yikraḍyuren (trimestres). S unamek-nniḍen, inelmaden akked yiselmaden, ad sεun kraḍ (3) n yimuraṣ. Wid n tegrest, wid n rrbiε, akked wid n unebdu.

Ad d-nesmekti dakken ur d-yeqqim ddeqs i yikayaden n ukraḍyur amezwaru, ineggura-a dɣa ad bdun di taggara n wembir i d-iteddun. Ma yella d imuras n tegrest ( ccetwa ),ad d-ilin seg wass n amhad (lexmis) 16 dujember tameddit, armi d ass n umenzu n yennayer 2022 tameddit.

Ma d ayen yerzan imuraṣ n rrbiε, ad d-ilin seg wass n amhad 17 meɣreṣ 2022 tameddit, armi d ass n sed 2 yebrir tameddit.

Ma d ayenbicudden ɣer imuraṣ n unebdu, ad bdun ass n 7 yulyu 2022.