Tiɣri n usellek: Anẓar d amuḍin i yeḥwaǧen afus n tallelt

Anẓar Behlul, d yiwen n uqcic i yesεan anagar 12 n yiseggasen di leεmer-is. Ilul Unẓar di tɣiwant n Ccerfa, tadayra n Mecdella, tawilayt n Tuviret.

Aneglus-a ( cet ange ) n Tuviret, yeḥwaǧ afus n tallet, yessra i uεiwen n yal n win izemmren. Ayagi imi, yuḍen aṭṭan n uxenẓir, neɣ aṭṭan n tbeεεuct deg uqerruy-is.

Γef leḥsab n yisallen i aɣ-d-yewwḍen, Anẓar, iga dagi di tmurt n Lezzayer azal n ukuẓ ( 4 ) n yiparaṣyunen.

Lameεna ineggura-a ur smurrsen ara, daymi dɣa, i yebɣa ad inadi ɣef ḥellu-ines di berra n tmurt.

Ad d-nesmekti dakken, i wakken ad yettudawi di tmurt n Fransa, ssutren-as-d tadrimt 33046,00 €. S tedrimt n Lezzayer, azal n 700 n Yimelyunen.

Lameεna tawacult-is, ur zmiren ara ad t-dawin, imi ur ṣṣawḍen ara.

Ihi, i kra n win izemmren ad t-iεiwen, ad tafem s wadda tawlaft ( photo ) n ucek n yimawlan-is.

Ma yella d wid ur nezmir ad εiwnen s tedrimt, xerṣum ad bḍun isalli. Nessaram-as ḥellu s uɣiwel.