Tizlit taqbaylit: Ad d-isuffeɣ Zedek Mouloud tizlit tamaynut ussan-a

Di kra n wussan kan, ad d-yesres unaẓur ameqqran Zeddak Mulud amaynut nniḍen anaẓuran i wid akk i t-yeṭṭafaren deg ukuẓ n tɣemmar n ddunit.

D ayen i d-iberreḥ ass n 4 wamber iɛeddan, deg yisebtar-is unsiben n Instagram d Facebook, imi tura akka, yettkemmil kan tiqeddicin tineggura i d-yeqqimen di tezllit-a.

Am tal tikkelt, s yisem-is d anaẓur aɣerfan, daɣen ayen akk yerzan Tamurt n Yizwawen yecɣeb-it, deg tezlit-a yebɣa ad d-iwennet tadyant n yijajiḥen n tmes i yesserɣen idurar-nneɣ, rnan uwwin iẓiɣren (tirwiḥin). Akken i aɣ-d-uwwḍen yisallen, ma mačči “Anebdu aberkan” ara yili uzwel n tezlit-a tajdiḍt, ad zzin yimeslayen-is ɣef tebrek-nni n unebdu n useggas-a i ddren Yiqbayliyen.

Ad d-nesmekti dakken yekki imir-nni Zeddak Mulud, akken yezmer, deg ugmar n tedrimt d yisufar n udawi i yimuḍan i yenṭerren si tmerɣiwt.

Rǧut ihi tizlit-a di terga-s Youtube neɣ di tɣerɣar (plate-formes) n uzdam azerfan i wussan-a n sdat-nneɣ.