Melbu: ttegririben-d yeblaḍen ussan-a n ugeffur deg ubrid aɣelnaw uṭṭun 43

Inehharen ( wid yeseddayen ) yettεeddayen seg ubrid aɣelnaw uṭṭun 43, i yellan gar Melbu akked Jijel, yewwi-d fell-asen ad ttḥadaren nezzeh iman-nsen. Ayagi imi, seld lgerra yeqqwan i d-yewwten ussan yezrin, ttigririben-d yeblaḍen deg ubrid-a umu qqaren ” route de la corniche “.

Dɣa, deg yiḍ n wass n sed ( samedi ), 19 wembir yezrin, yegrareb-d yiwen n weblaḍ d ameqqran, yeɣli-d ɣef yiwet n tkerruṣt. Γas ulamma ur d-yelli uxeṣṣar di terwiḥin, neɣ d yimejraḥ, lameεna tugdi-nni yeṭṭfen wid iḥeḍren d lmuḥal ad tt-ttun.

Ahat ayen yeṣṣefraḥen, imi mačči ɣef win yeseddayen ( anehhar ) i d-yeɣli ublaḍ-a, dɣa yeffeɣ-d seg tkerrust s tezmert-is. Beṣṣeḥ taluft-a, tessekcem tugdi tageεmirt deg wulawen n yinehharen yettεeddayen syin-a.

Abeεda imi, ur zmiren ad fernen abrid-nniḍen.

Ayen i asen-d-yernan tugdi, d leḥris n tkerruṣin i d-yettilin deg wadeg-nni. Ihi, ttafen-d iman-nsen ttεassan iblaḍen, tettun abrid. Yuɣ lḥal, dduklen sin n yimihiyen, win n yeblaḍen, d win n yisehwa ( accidents ) i izemmren ad d-ilin.

Di taggara, yewwi-d ɣef wid teεna temsalt ad d-gren iman-nsen, ad xedmen ayen ilaqen. Imi abrid-nni, d amahi ɣef wid yettεaddayen syin-a.