Tizi Wezzu: ttcetkin yimezdaɣ seg lexṣaṣ n uyefki n teckart

Γas ulamma yella luzin n uyefki di Tasili ( Tassili ) di Draε Ben Xedda. Lameεna, ugur n uyefki n teckart i yellan yakan seg wacḥal-aya di twilayt n Tizi Wezzu, mazal-it ar ass-a.

Yuɣ lḥal, i wakken ad d-yaɣ yiwen tackart n uyefki, yewwi-d fell-as ad yeqqim ass s lekmal seg tnezzayt armi d tameddit sdat n tḥanut i t-yeznuzun.

Rnu i waya, netta akked ẓẓher-is, imi yezmer ad yekfu uyefki-nni ur d-yettawi ara.

War ma nettu, tella tsertit-nniḍen ɣur yimsenza. Dɣa, ur yezmir yiwen ad d-yaɣ s yiwet n teckart, meḥsub ilaq nnig n 3.

I yisalli, yella wugur-nniḍen deg ussan-agi ineggura. Acku, ula d tickarin n uplastik anda i ggaren ayefki wid i t-id-yettaɣen, i yellan yimsenza ttakken-tent-id war lexlaṣ, uɣalen ssuturen deg-sent 5 n yidinaren.

Asteqsi ara d-yerzun ɣer wallaɣ n myal yiwen deg-neɣ, amek aẓawali i ur neṣṣaweḍ ad d-yaɣ tackart n uyefki , ad yernu ad ixelles tin n uplastik ?.

Ad d-nesmekti belli, imezdaɣ ur umren s waddad-a i ttidiren myal ass, ladɣa imi yella ɣur-sen luzin. Daymi i ssuturen deg yimasayen ad asen-frun uguren-nsen.