(Tiwlafin).Afalu n Xerraṭa d amihi idetti ɣef yinehharen

Mazal ar ass-a ur yefri ara ugur n ufalu n Xerraṭa, i yellan deg ubrid aɣelnaw uṭṭun 09, gar twilayt n Bgayet d tin n Ṣṭif.Yuɣ lḥal, afalu-a yeččur d anaɣur ( dexxan ), i igeddlen ɣef yinehharen tamuɣli.

Rnu i waya, ɣef sebba n yir liḥala-s, yettili-d deg-s leḥriṣ ameqqran n tkerruṣin. D ayen i yeǧǧan amḍan n yisehwa ( accidents ) i iḍerrun deg-s simmal irennu.

Ad d-nesmekti belli, ɣas ulamma acḥal-ayagi segmi bdan lecɣal n ubrid amaynut n Ɛecba, i teṭṭef termist Taturkit ” Uzgun “, i wakken ad kksen leḥris n yikumyan ameqqranen ladɣa ɣef ufalu-a. Mameεna, di lawan-a, ala yiwen n weḥric kan i yekkfan deg-s.

Abeεda di tegrest-agi, afalu-a d amihi idetti ɣef wid yettεeddayen seg ubrid-n. Daymi i d-yewwi ɣef wid teεna temsalt ad d-gren iman-nsen, i wakken ad frun ugur-a.