Tissulya di Lezzayer: yessewham umḍan n yinebran i d-yellan aseggas-a yezrin n 2021

D ayen i d-yesbeyyinen amek ur igerrez waddad n twacult d wassaɣ argaz-tameṭṭut di tmurt n Lezzayer.
.
Imi ɣef wakken i d-ffɣen leḥsabat n Uɣlif n Teɣdemt, ugar n 100 000 n yinebran i d-yeḍran di 18 n wayyuren ineggura. Yettusemma seg yunyu 2020 armi d tura.

Seg yinebran-a, ugar n 44 000 llan-d deg sḍis n wayyuren imezwura n useggas n 2021.

Sebbat n yinebran-a cuddent s umata ɣer tedrusit n umsifham gar yislan neɣ ibusinen (couples) yemyercalen, yir addad n tudert akked wayen yeqqnen ɣer tmetti d yidles n tudert.

Si tama tayeḍ, amḍan n wayen mu qqaren “axlaε” i ssuturent tlawin, yewweḍ ɣer 10 000.

Addad-a n yinebran simmal yesnuzgum. Ilaq-as asenfar ɣef teɣzi n wakud akken ad yerked xersum.