Umm Lebwaqi: tettwanɣa terna tettwasreɣ yiwet n tmeṭṭut

Menṣuri Ḥafiḍa, d yiwet n tlemẓit seg tɣiwant n Fekrina, tawilayt n Umm Lebwaqi. Taneggarut-a, ɣur-s kra n wussan kan segmi i d-yeffeɣ yisalli belli truḥ, dɣa azal n 3 n wussan ur d-tban.

Imawlan-is d wid i tt-yessnen, llan sεan asirem i wakken ad tt-afen. Lameεna, akken yeqqar yinzi, iteddu waḍu akken ur d-as-yehwi i lbabur. Yuɣ lḥal, seld ussan n unadi d uḥebber, ufan-tt yiqeddacen n Uḥuddu aɣarim iḍelli, ɣef lewhi n 12: 00 n wass temmut, yerna tettwamṭel deg lewhi n temnaḍt anda i tezdeɣ.

Ad d-nesmekti belli, ur yeshil unadi d uqelleb ɣef tfekka-s, acku wid i tt-yenɣan ur sqenεen ara, rnan sserɣen-tt daɣen uqbel ad tt-meṭlen.

I yisalli, Massa Menṣuri tella txeddem di ṣbiṭar d tamεawant n yimsujjiyen ( ttafiremlit). Γef leḥsab n yisallen i aɣ-d-yewwḍen, Ḥafiḍa tella tezwej, lameεna tennebra, ma yella d arrac ur tesεi ara.

Di taggara, yewwi-d ad d-nini belli, ama d tiyemmatin neɣ d tissettmatin-nneɣ, ttidirent deg umahi ageεmir myal ass. Ayagi imi, amḍan n tlawin yettmettaten s tmenɣiwt di tmurt-a simmal yettnerni. Dɣa, akken i d-nebder deg yimagraden-nneɣ yezrin, deg useggas n 2021, 55 n tlawin i yettwanɣan.