Tuviret: tettwanɣa yiwet n tmeṭṭut sɣur mmi-s

Lwiza Ḥamadac ( Louiza Hamadache ), d yiwet n tmeṭṭut i yesεan 65 n yiseggasen. taneggarut-a, tella d tayemmat n semmus ( 5 ) n warrac, deg-sen win i yellan d tamentilt n tmettant-is.

Γef leḥsab n yisallen i aɣ-d-yewwḍen, tadyant teḍra deg Yiɣil n umencar, taɣiwant n Teɣzut, tawilayt n Tubiret. Anda yiwen seg warraw n Lwiza, yewwet-itt s ujenwi s aqerruy-is ddeqs n tikkal, armi i wwint tiyitiwin-is iziɣer-is.

Ayen umu nger tamawt deg tmenɣiwin n tlawin i d-yettilin, dakken d wid iqerben ɣur-sent i tent-neqqen war aḥulfu d ukukru.

Ad d-nesmekti belli, deg useggas yezrin 2021, 55 n tlawin ay ruḥen d tiseflatin. Yuɣ lḥal, di lawan anda i nessaram ad yenqeṣ umḍan n tmenɣiwin-a, ha-t-an ihi seg umenzu n yennayer 2022 armi d ass-a, snat n tlawin i yettwanɣan fell-asent talwit.