(Tiwlafin).Bgayet: kra n tewlafin seg tfugliwin n yennayer 2972

Tawilayt n Bgayet, am nettat am temnaḍin akk n Tmurt n Tmazɣa, ttmagarent yennayer s ucmummeḥ d taḍsa, sfuggulen-t akken iwata.

Γas ma yella yettili-d cwit umgarad deg wamek i ttmagarent temnaḍin n Bgayet yennayer, lameεna s udem amatu di tuget-nsent meḥsub kifkif.

Yuɣ lḥal, ttheggint-as tuddar i yennayer mti i as-mazal azal n wayyur. Neɣ s unamek-nniḍen, d tidukkliwin n tuddart i yettheggin i tmeɣriwin i d-yettilin di yennayer, jemmεent-d tadrimt i wakken ad xedmen luziεa neɣ zzerd.
Deg tneggura-a dɣa, d tagnit i temlilit gar yimezdaɣ n taddart i wakken ad sfugglen yennayer jmiε.

Seg tama-nniḍen, ttheggin-d timeskanin ( expositions ) n yiqennucen, d yiselsa, akked wayen icudden i yidles-nneɣ, i wakken ad t-ssissnen i warrac imecṭaḥ.

Ad d-nesmekti belli, di ttiεadat-agi daɣen, ttillint-d ula d ttimsizzlin n tuččit igerrzen. Ayagi, i wakken ad ssbeɣsen tilawin d teqcicin-nneɣ ad ḥerzent idles d wsyla-nneɣ.

Ihi deg umagrad-a, newwi-awen-d kra n tewlafin seg tfugliwin i d-yellan di kra n temnaḍin n twilayt n Bgayet, ilmend n yennayer 2972.

Deg-sent, At Mbarek ( taɣiwant n Tṣekriwt ), At mlikec, At Ɛnan, Tadergunt, At Ɛtiq, Ssuq letnin, At Smaεel, Tala Ɛṭa, Xerraṭa.