Tiɣri n unadi : ttnadint twaculin Gawa akked Waret ɣef teqcicin-nsent

Lidya Gawa, d yiwet n tlemẓit i yesεan anagar 17 n yiseggasen di leεmer-is. Taneggarut-a, seg Sedduq, tawilayt n Bgayet.

I yisalli, segmi i teffeɣ seg wexxam ass-a ɣef lewhi n 13: 00 n wass, nettat akked temdakkelt-is Waret Asma. Dɣa, ar tura ur d-iban fell-sent ula d isalli.

Imawlan-nsen, tiwaculin Gawa d waret, d wid akk i tent-iḥemmlen ttqelqen nezzeh fell-asent, imi ur ẓrin s anda i ruḥent. Daymi i d-gren tiɣri-a i kra n win i yesεan kra n yisalli fell-asent, ad ten-yeṣṣexber.

Ihi ma yella kra n win i tent-iwalan, neɣ yesla kra n yisalli fell-asent, yezmer ad yessiwel ɣer wuṭṭunen : 0771 07 38 95 – 0775 89 96 53, neɣ ad yessiwel i yiɣallen n laman.

Ma d kunwi i yeɣran amagrad-a, εiwnem-aɣ bḍut isalli.

Nessaram ur ttεeṭṭilent ad d-uɣalent s axxsm-nsent.