At Sεada: tebda ass-a tfaska n tmedyezt di teẓrigt-is tis snat

Tberreḥ-d tdukkla tadelsant “anegmu” n At Sεada, ɣef ttiεad n tfaska n tmedyezt ” Amedyez Iflisen Umellil ” di teẓrigt-is tis snat, ara yilin seg 6 armi d 8 yebrir 2022.

Yuɣ lḥal, ttiεad-a yettwawexxer yakan ɣef sebba n waṭṭan n Corona, ihi tettunefk-asen kan tegnit rran-t-id.

Tafaska-a dɣa, tettili-d sɣur tdukkla “anegmu”, s lmendad n wegraw n yimedyazen yezdin ” Amedyez “, deg At Sεada, Sid Ɛli Bunab, di tedmayt.

I yisalli, timlilit-a d tagnit i yiḥeddaden n wawal i wakken ad d-awin isefra-nsen. D temsizzelt n yisefra ideg ttemlilin yimedyazen d wid i ten-iḥemmlen, ttembadalen tiktiwin. Akken tella temlilit-a d tagnit i tmussni, i tella daɣen d taswiεt n uneccraḥ, d tukksa ɣef wul.

Ad d-nesmekti belli, tafaska n useggas-a d tajmilt i unaẓur Taleb Taher.

Akken i d-berrḥen yemḍebbren n tdukkla “anegmu “, ahil n tfaska-a d win yeɣɣentren. Imi ad d-tili deg-s :

• Tadiwennit akked Taleb Taher
•Ttiεad i temsizzelt
• Asarag akked Nayt Ceεban Takfarinas
•Ttiεad n umezgun
•Tuffɣa n uḥewwes

Ili-ken di ttiεad