(Tiwlafin). Tizi Wuzzu: melmi nezmer ad nerzu d wacḥal ara nxelles deg Ubraḥ n wurar amaynu?

Yella-d ussan-a umaynu i wid iḥemmlen timerrit d tuffɣiwin n unebdu. Akken i t-id-berrḥen yakan ussan iɛeddan wid yellan deffir usenfar, yettwaldi ihi iḍelli, amenzu n yunyu, Ubraḥ n wurar i d-yezgan di Temda, taɣiwant n Wagnun, Agezdu n Tizi Wuzzu.

Ccɣel am wa werǧin i d-yella am netta di temdint-a. Ahat ɣef ssebba n waya i mugren yiɣermanen s tumert isalli n tullya. Ulama sswami n ukcam ɣer din ɣlayit nezzeh akken walan tuget, wanag llan yimdanen yettheyyin ad n-rzun si tura ilmend n yimuras-a n unebdu.

Dɣa, ɣef wayen yerzan sswami n ukcam, hata wamek i d-usan : 800 n yidinaren i ugrud. 1800 n yidinaren i umeqqran. Tusut, ṭṭabla d usiwan ddan deg uxelles. Yeldi ubraḥ-a akk ussan n ddurt, si 10:00 ar 19:00.

Walit di tewlafin-a kra seg Ufrag-a ameqqran.