Marikan: acimi i d-iban yigenni d azegzaw ttlata iɛeddan?

Seld igenni azewwaɣ i d-ibanen ayyur n mayu iɛeddan di tmurt n Ccinwa, yuɣal yettwamẓer uɛeǧǧib am win deg unẓul n Waɣlanen Idukklen n Marikan, ass n aram 5 yulyu 2022. D acu kan, iban-d din yigenni d azegzaw, mačči d azewwaɣ.

Seld aneḍruy-a, yekker s ṭṭaqa uzuzzer n tewlafin d tvidyutin deg yiẓeḍwan inmettiyen (réseaux sociaux). Ma d timuɣliwin, yal wa amek i d-iwennet. Wa ittmeslay ɣef tsumam n tnegrawt, wa ɣef ubandu amagniḍi (orage magnétique), wa ɣef ujerreb n kra n yimrigen.

Maca, ɣef wakken i d-uwwint kra n tregwa tunsibin, d agaman wayen i d-yeḍran ma nmuqel s wudem ussnan. Imi tamentilt-is, d mi yemlal ubandu ameqqran akked uɣelluy n yiṭṭij. Akken i d-teqqar tussna, yettbeddil yini n yigenni ɣef leḥsab n tafat i d-yuwwḍen seg yiṭṭij d waddad n tegnaw. Ɣas ulama, llan wid yettmeslayen ɣef tɛeǧǧaǧt meqqren.

Yuɣ lḥal, seld aneḍruy-a s kra n temrac, yewt-d di temnaḍt-nni ubruri d aẓuran maḍi.