(Aḥric 1). Idles amatu: issin 10 n yiwellihen ara yessnernin idles-ik amatu

1) Ma yella tḥuṣṣed i yiman-ik temlelliḍ, ssres afus-ik ɣef lḥiḍ neɣ ɣef wayen-nniḍen. Acku, afus yesεa iẓuran qqnen ɣer wallaɣ-nneɣ, d nutni i as-yettaken isalli belli tafekka-k temtawa.

2) Ma yella tserṣeḍ aqerruy-ik ɣef teṣmuḍi, iḍeṣ-ik ad igerrez ugar. Daymi i nettnadi tama taṣemmaḍt di tsumta, i wakken ad ngen fell-as.

3) Ur teddu ɣef yiwen n uḍar, ur tekkay ɣef yiwen n ufus. Imi, zemmren ad rrẓen, war ma terriḍ-d s lexbar.

4)Tafat n usawal, neɣ n umudim, treggi allaɣ, tesdebdib-it. Daymi, i d-yetekkar wemdan tanezzayt, yeddendeb, yetteqraḥ-it uqerruy-is. Amzun akken, ur yerwi ara iḍeṣ.

5) Ur d-skaray amdan seg yiḍeṣ-is ma yella igen. Yezmer ad t-yeṭṭef udebdeb n wallaɣ, neɣ ayen umu neqqar nekni tugdi n lebda. Tezmer ad as-tuɣal d timmexlelt.

6) Mara teččeḍ lḥaǧa d taṣemmaḍt, tettḥussuḍ i leqriḥ deg uqerruy-ik. Ayagi, tamentilt-is d idammen i yettnejmiεen deg wallaɣ-ik, i wakken ad ḥerzen times-is tagamant. Daymi, ur ilaq tuččit neɣ tissit n wayen i ṣṣemḍen mliḥ.

7) Llan medden, war ma tessekreḍ-ten, tekkren deg wakud i bɣan gedged i yiman-nsen. Ineggura-a, sεan tamasit, tif tin n wiyaḍ s snat n tikkal.

8) Mti tḥusseḍ iman-ik tettqelqeḍ, neɣ tzaεfeḍ, neɣ terwiḍ, cclil udem-ik s waman iṣemmaḍen, ad tḥusseḍ s umgarad

9) Γef leḥsab n yemsujjiyen n tnefsit, win yettzuxxun, ur yesεi taflest deg yiman-is, yettwali iman-is yenqeṣ. Daymi i yessalay iman-is, i wakken ad yeffer ayen deg wacu ixuṣ.
Ma d win yesεan teflest deg yiman-is, ad tafeḍ ur iḥeqqer yiwen, ur yessalay iman-is ɣef yiwen.

10) Ma tebɣiḍ tamussni, nadi fell-as, attan deg myal adeg. Γer idlisen, nezzeh isura, ɣer imagraden, ili-k di ttiεadat n tmussni, steqsi ɣef wayen ur tessineḍ, kcem i Internet, nadi.

Ma yehwa-ak wayen i d-nura, bḍu-t d yemdukkal-ik.