Tuɣalin n tfaska n Udrar n Fad: tiɣri i yimedyazen

Seld 3 n yiseggasen n ubeṭṭel ɣef waṭas n tsebbiwin, gar-asent avirus n Covid-19, tberreḥ-d ussan-a tdukkla tadelsant Adrar n Fad n Ayt Smaɛel s tiɣri-s tansayant i tikkin deg umsizwer-is n tmedyezt i d-yettilin di tefsut.

Ad teɣrem deg wadda ulɣu merra-is:

Ulɣu/Communiqué

Tiɣri i tikkin deg umsizwer n tmedyezt

S tumert ara d-tberreḥ tdukkla tadelsant Adrar n Fad s useqleɛ n tfaska taɣelnawt tis mraw d ṭam (18) n tmedyezt tamaziɣt d tajmilt i Dda Lmulud At Mɛemmer!

Imedyazen i iran ad kkin, ilaq ad d-aznen kraḍ (3) n yisefra imaynuten s sin n yimedyaten i yiwen, uran s tira n tmaziγt tamirant s wallal n uselkim, γer tansa-ya : Tiddukla Tadelsant Adrar n Fad, cidex 3, BP105. Taregragt (06044) Ayt Smaɛel, Bgayet.
Neɣ ɣer yiznil alikṭrunan (E-Mail): acafdz@yahoo.fr , aya send 26 deg furar 2023!

Ilaq ad d-teddu tikkest n uzmam n tlalit, uṭṭun n tilifun d tansa n yimekki, i yewwi-d ad yesεu ugar n 18 n yiseggasen.

I ugar n yisallen γef usaḍuf agensan n umsizwer, ɣur-wen uṭṭunen-a:
Til/Fak: 034 39 00 90. Amafus: 0554 37 02 88.

Nessaram yella waṭas n umaynut ɣur yimedyazen-nneɣ.

Afud igerrzen!