Ticci: yemmut yiwen n yilemẓi n tmeẓrit s uɣraq

F.Yanis d yiwen n yilemẓi i yesεan anagar 18 n yiseggasen di leεmer-is. Mmi-s n Tmeẓrit, iruḥ iḍelli d asfel n yilel di yiwet n teftist di tlemmast n Ticci, ɣef lewhi n 12: 25 n uzal.
Γef leḥsab n yisallen i d-berrḥen yemḍebbren n tenmehla n Uḥuddu aɣarim, seld mi i t-id-ssuffɣen seg waman, εerḍen imir-nni ad t-id-sellken s wayen i iwulmen.
Imi ur d-yuki ara, wwin-t srid ɣer teklinikt n Ticci, anda i asen-d-iwekked umsujji i t-iwalan tamettant-is.

Ad d-nesmekti belli segmi i fkan ttesriḥ i uεemmu yettwaldi yilel, 3 n yilemẓiyen i iruḥen d iseflan.
Amezwaru d yiwen n yilemẓi i yesεan 30 n yiseggasen, seg twilayt n Sṭif, ass n 17 yunyu yezrin.
Wis sin ula d netta si twilayt n Sṭif, yemmut ass n 28 yunyu yezrin, di leεmer-is ḥala 16 n yiseggasen. Rnu i yilemẓi-ya n Tmeẓrit bu 18 n yiseggasen.
Ad nesεeddi aεezzi-nneɣ i twaculin-nsen, ad sgunfun nutni di talwit n bab igenwan.

Di taggara akken yeqqar yenzi, aḥader yugar agaḍer. Ihi, ttḥadaret iman-nwen.