Tiwizi (tiwlafin): sdukklent tdukkliwin n At Wartiran ifassen i uεawen n temnaḍin yenṭerren seg tmes di Tuǧa.

D tigawt igerrzen maḍi i gan yemḍebbren d yiεeggalen n kra tdukkliwin n lεerc n At Wartilan, ayagi imi ddukklen gar-asen ssawḍen jemεen-d ddeqs n tɣawsiwin i wakken ad tent-mudden i wid yenṭerren seg yijajiḥen n tmes i iḥuzan taɣiwant n Tuǧa, am taddart n At Usaleḥ.

Seld aberreḥ-nsen, uzzlen yimezdaɣ d wid iḥemmlen lxir i ujmeε n wayen akk i srant temnaṭin-a deg uxxam n yidles i yellan sdat n uxxam n tɣiwant di tlemmast n temdint. Yuɣ lḥal deg kra n wussan kan ssawḍen jemεen-d myal taɣawsa, ama d tikuzinin, imsismmḍen, imṭerḥen, lqec n usu d tduli, iselsa i warrac imecṭaḥ akked yimeqranen, tisitirin n waman d ssima, d wayen-nniḍen. S ugzul n wawal, taɣlamt n twizi tageεmirt i yerzan iḍelli 3 ɣuct ɣer taddart n At Usaleḥ d tuddar i as-d-yezzin tefka afus n tallelt i yimezdaɣ s ulawen yessfan d ifassen yeččuren d lxir.

Di taggara, ad d-nebder tidukkliwin yekkin di twizi-ya; tidukkla ” Imdukkal Umaṭun”, tidukkla ” Ibtisama”, tidukkla ” Kafil El Yatim”, APJ n At Wartilan, tidukkla ” El islaḥ wa El ircad “, akked Fawǧ El amal Elwartilani.

Am akken ad nesnemmer kra win i d-yefkan afus n tallelt i usmurres n tigawt-a.